Bakı. Günaydın:
Qazaxıstan və Azərbaycan arasında ikitərəfli əməkdaşlıq
çərçivəsində vergi inzibatçılığının inkişaf perspektivləri böyük
vədlər verir.
Bunu Trend-ə
müsahibəsində Qazaxıstan Respublikasının Maliyyə Nazirliyi nəzdində
Dövlət Gəlirləri Komitəsinin sədr müavini Kayrat Cumaqulov
bildirib.
Onun sözlərinə görə, bir sıra vacib istiqamətlərdə əməkdaşlığın
dərinləşdirilməsi üçün əhəmiyyətli potensial mövcuddur.
“İlk növbədə bu avtomatik məlumat mübadiləsi uzantısıdır. Common
Reportin Standard (CRS) kimi yeni texnologiyaların tətbiqi bizə
vergi ödəyicilərinin maliyyə hesablarındakı məlumatları operativ
şəkildə mübadilə etməyə icazə verir. Bu, öz növbəsində şəffaflığı
artıracaq və vergidən yayınma risklərini əhəmiyyətli dərəcədə
azaldacaq”, – deyə Cumaqulov bildirib.
O, eyni zamanda, vergi inzibatçılığının rəqəmsallaşdırılması
üzrə birgə layihələrin önəmindən danışıb.
<!—->
<!––>
“Biz Qazaxıstanda artıq öz effektivliyini isbat etmiş rəqəmsal
platformaların və alətlərin tətbiqi üzrə təcrübəni bölüşməyə və
Azərbaycanın ən yaxşı praktikalarını öyrənməyə hazırıq. Bu sahədə
birgə iş bizə vergi proseslərinin idarə olunmasında yüksək
standardlara daha tez nail olmağımıza imkan verəcək”, – deyə o
əlavə edib.
Tədris və təcrübə mübadiləsi prosesi də ikitərəfli əməkdaşlığın
inkişafının vacib tərkib hissəsidir.
“Bizim ölkələrin vergi orqanlarının mütəxəssisləri arasında
müntəzəm seminarlar, treninqlər və işgüzar görüşlər əməkdaşların
ixtisas səviyyəsinin artırılmasına və inzibatçılıq keyfiyyətinin
artırılmasına vəsilə olacaq”, – deyə komitə sədrinin müavini
bildirib.
Bundan başqa, onun sözlərinə görə, ən vacib vəzifələrdən biri
hüquqi bazanın təkmilləşdirilməsidir.
“Biz vergi tutumu sahəsində qanunvericiliyin harmonizasiyası
üzərində birgə işləməyə hazırıq. Bu, mümkün nöqsanları aradan
qaldırmağa və biznes və investisiya üçün əlverişli şərait yaratmağa
kömək olacaq”, – deyə Cumaqulov sonda bildirib.
