Bakı.Trend:
Ankara Baş Prokurorluğu FETÖ terror qruplaşmasının “Hava
qüvvələri komandanlığına” qarşı apardığı istintaq çərçivəsində bir
neçəsi zabit olmaqla 14 nəfər barəsində həbs orderi verib.
Trend bu barədə
Türkiyə KİV-lərinə istinadən xəbər verir.
Aparılan istintaqın gedişində şübhəlilərin təşkilatın “Hərbi
Hava Qüvvələri Komandanlığında” “məxfi xidmətlər” adlandırılan
quruluşun tərkibində olduqları, eyni zamanda, onların qanunsuz
maliyyə fəaliyyəti ilə məşğul olduqları müəyyən edilib.
<!—->
<!––>
Şübhəlilərin Ankaradakı köşklərdə, ərzaq mağazalarında və
supermarketlərdə yerləşən ödənişli telefonlar vasitəsilə təşkilatın
“mülki imamları” ilə əlaqə saxladıqları müəyyənləşdirilib.
Barələrində həbs qərarı verilmiş şübhəlilərdən biri hal-hazırda
xidmət edən, yeddisi təxris olunmuş zabitdir. Bundan başqa həbs
orderi siyahısında bir “mülki imam” və akademiyadan qovulmuş bir
“kursantın” yer aldığı da deyilir.
Hüquq mühafizə orqanları şübhəlilərin Ankara da daxil olmaqla
dörd vilayətdə saxlanılması istiqamətində əməliyyat aparır.
