Bakı. Günaydın:
Cari ilin yanvar ayının sonuna olan məlumata görə, Azərbaycanda
fəaliyyət göstərən banklar tərəfindən tikinti sahəsinə verilmiş
biznes kreditlərinin həcmi 1,372 milyard manata çatıb.
Bu barədə Trend Azərbaycan Mərkəzi Bankından məlumat əldə
edib.
Məlumata görə, bu göstərici ötən ilin sonu ilə müqayisədə 3
milyon manat və ya 0,2% çoxdur. Belə ki, 2024-cü ilin sonuna
Azərbaycandakı banklar tərəfindən tikinti sahəsinə verilmiş biznes
kreditlərinin həcmi 1,369 milyard manat olub.
<!—->
<!––>
Qeyd edək ki, hesabat ayında bankların kredit portfeli 27,5
milyard manat olub. Kredit portfelinin 14,7 milyard manatı biznes
kreditlərinin, 8,5 milyard manatı istehlak kreditlərinin, 4,2
milyard manatı isə ipoteka kreditlərinin payına düşüb.
Biznes kreditlərinin həcmi ötən ilin eyni dövrü ilə müqayisədə
1,8 milyard manat və ya 13,9% artıb. 2024-cü ilin ilk ayının
sonunda Azərbaycanda fəaliyyət göstərən banklar tərəfindən verilmiş
biznes kreditlərinin həcmi 12,9 milyard ABŞ dolları idi.