Bakı.Trend:
ABŞ Konqresinin nümayəndələr platasında prezidenti Donald
Trampla bağlı qeyri-adi təklif irəli sürülüb.
Trend xarici
KİV-lərə istinadən xəbər verir ki, respublikaçı konqresmen Brendon
Cill Trampın hakimiyyətdən getməsindən sonra onun xatirəsinin
əbədiləşdirilməsi üçün şəklinin həkk olunduğu 100 dollarlıq
əsginasların buraxılması təşəbbüsünü irəli sürüb.
<!—->
<!––>
“Prezident Tramp öz qızıl illərini qolf oynamaqla və ya ailəsi
ilə vaxt keçirməklə keçirə bilərdi. Bunun əvəzində isə o öz ölkəsi
naminə özünü güllənin qabağına atır və sərhədlərimizin
təhlükəsizliyi təmin olunsun deyə iş vaxtından artıq işləyir, bizim
dünyanın qalan hissəsi ilə olan dolaşıq münasibətlərimizi qaydasına
salmağa, Amerikanı enerji baxımından yenidən müstəqil etməyə
çalışır və mənasız xarici yardımları kəsməklə ölkəmizi hər şeydən
önə qoyur”, – o bildirib.
Qeyd edək ki, müvafiq qanun layihəsi qəbul olunarsa, Trampın
rəsmini daşıyan əsginaslar artıq 2029-cu ildən etibarən
buraxılacaq.
