Vivo şirkəti Vivo Y300i 5G adlı yeni orta büdcəli smartfonunu təqdim edib. Bu yeni smartfon böyük ölçülü ekranı, Snapdragon prosessorunu və böyük həcmli batareyanı əldə edib. Beləliklə Vivo Y300i 5G smartfonu 120 Hz-lik təsvir yenilənməsinə sahib 1608×720 piksel keyfiyyətli 6.68 düym ölçülü LCD ekranla təchiz olunub. Barmaq izi skanı texnologiyası yandırıb/söndürmə düyməsinə inteqrasiya edilib. Üstəlik cihaz özündə stereo səsgücləndiriciləri birləşdirir.
Smartfon Snapdragon 4 Gen 2 prosessoru vasitəsilə çalışır və 8/12 GB RAM ilə 256/512 GB daxili yaddaş həcmini əldə edib. Kameralar mövzusunda Vivo Y300i 5G 50 MP-lik əsas arxa kameraya və 5 MP-lik ön kameraya sahibdir. Batareyaya gəldikdə isə smartfon 44 vatt gücündə sürətli şarj texnologiyalı 6500 mAh enerji tutumlu batareya ilə təchiz olunub. Vivo Y300i 5G smartfonu 14 mart tarixində Çində satışa çıxacaq və onun qiyməti 210$-dan start götürəcək. Smartfonun digər regionlarda satışa çıxıb-çıxmayacağı bilinmir.
