Kəskin rəqabət şəraitində Google bəzi süni zəka mütəxəssislərinə digər şirkətlərə keçməmələri üçün, sadəcə heç nə etməmək qarşılığında, 1 il ərzində ödəniş etməyə məcbur qalır. Bu barədə Business Insider məlumat verib. Google-un süni zəka üzrə ixtisaslaşmış bölməsi olan DeepMind, Böyük Britaniyada bəzi əməkdaşları ilə “sərt” rəqabətə yol verməmə üzrə razılaşmalar bağlayır. Bu razılaşmalar onlara eyni sahədə fəaliyyət göstərən digər şirkətlərə 1 il ərzində keçməyi qadağan edir. Bu müddət ərzində bəzi əməkdaşlara ödənişlər edilir ki, bu da faktiki olaraq uzunmüddətli ödənişli məzuniyyət kimi qiymətləndirilə bilər.
Lakin bu yanaşma nəticəsində tədqiqatçılar aktual bilik, bacarıq və vərdişlərini itirmək riski ilə üzləşirlər, çünki süni zəka sahəsində tərəqqi son dərəcə sürətli templərlə irəliləyir. Ötən il ABŞ-ın Federal Ticarət Komissiyası (FTC) əksər rəqabətə yol verməmə (non-compete) razılaşmalarının bağlanmasını qadağan edib, lakin bu qərar DeepMind-in London qərargahına şamil olunmur. Mart ayında Microsoft-un süni zəka üzrə vitse-prezidenti Nando de Freitas bildirib ki, bəzi DeepMind əməkdaşları “ümidsizlik içində” ona müraciət edirlər, çünki rəqabətə yol verməmə razılaşmalarının gücünü aşa bilmirlər. O, belə razılaşmaların bağlanmamasına çağırıb. Google isə bu praktikanın “seçici şəkildə” tətbiq edildiyini qeyd edib.
Mənbə: Business Insider
