Honor şirkəti yeni planşetinin təqdimatını anons edib. Söhbət, Honor Tablet GT-dən gedir. Şirkət tərəfindən təqdim edilmiş posterə əsasən bu yeni planşet 23 aprel tarixində Çində təqdim olunacaq. Qeyd etmək lazımdır ki, həmin tarixdə şirkət həmçinin Honor GT Pro adlı yeni smartfonunu da təqdim edəcək. Honor tərəfindən bölüşülmüş posterdə Honor Tablet GT-nin həm ön həm də arxa panel dizaynı əks olunub. Görmək olar ki, planşet özündə nazik ekran ətrafı çərçivələri və ikili arxa kameranı birləşdirəcək. Honor Tablet GT-nin texniki imkanları barəsində isə heç bir məlumat yoxdur.
