Xiaomi-nin REDMI brendi yaxın zamanda REDMI Turbo 4 Pro smartfonunun təqdim olunacağını rəsmi şəkildə təsdiqləyib. Belə ki, brend bu mövzu ilə bağlı rəsmi tizer posterini təqdim edib. Qeyd etmək lazımdır ki, REDMI Turbo 4 smartfonu yanvar ayında təqdim olunmuşdu. Qısa müddət sonra isə məlumat ortaya çıxmışdı ki, REDMI brendi onun Pro versiyası üzərində çalışır. İndi isə bu məlumat rəsmi şəkildə təsdiqlənmiş oldu.
REDMI tərəfindən təqdim edilmiş posterin yuxarı hissəsində qeyd edilmiş məlumata əsasən REDMI Turbo 4 Pro smartfonu 2.5K keyfiyyətli ekranla təchiz olunacaq. Posterin aşağı hissəsində qeyd edilmiş məlumata əsasən isə bu yeni smartfon artıq gələn həftə təqdim olunacaq. Dəqiq təqdimat tarixi çox güman ki, yaxın günlərdə açıqlanacaq. Smartfonun texniki imkanları barəsində rəsmi məlumat olmasa da ehtimal edilir ki, o, Snapdragon 8s Gen 4 prosessoru vasitəsilə çalışacaq və özündə 90 vatt gücündə sürətli şarj texnologiyasının dəstəyini birləşdirəcək.
