Bakı. Günaydın:
“Helikon-Opera” teatrı artıq beşinci dəfədir ki, Bakıya qastrol
səfərinə gəlib. Məhz bu operanın Azərbaycanın paytaxtında, nüfuzlu
Heydər Əliyev Sarayında təqdim olunması xüsusi önəm kəsb edir. Belə
ki, Zoluşka” görkəmli azərbaycanlı bəstəkar Leonid Vaynşteyn
tərəfində məhz Bakıda qələmə alınıb və onun dünya premyerası da
məhz burada keçirilib! Leonid Vaynşteynin sağ olsaydı, bu gün onun
80 yaşı tamam olacaqdı, məhz bu əlamətdar günün şərəfinə
helikonçular günəşli Bakıya İlya İlinin məhz bu möhtəşəm tamaşasını
gətirir.
Bu deyim az qala hər kəsə məlumdur: “Uşaqlar üçün də böyüklər
üçün yazıldığı kimi yazmaq lazımdır, sadəcə ondan daha yaxşı yazmaq
lazımdır”. Lakin az adam xatırlayır ki, bu, əslində böyük
K.S.Stanislavskinin fikrinin dəyişdirilmiş formasıdır. Orijinal
ifadə belədir: “Uşaqlar üçün böyüklər üçün oynadığın kimi oyna,
sadəcə daha yaxşı, daha incə, daha mədəni və daha kamil şəkildə”.
“Helikon-Opera” teatrında hər iki fikirlə razıdırlar, buna görə
“Zoluşka” operasını beynəlxalq peşəkarlar komandası hazırlayır və
tamaşada teatrın ən yaxşı gücləri iştirak edir.
“Zoluşka” – çox gözəl bir operadır, o hadisələri istənilən dövr
üçün aktual olan əsl bir nağıldır. Hər halda, quruluşçu-rejissor
İlya İlin belə düşünürdü: “Biz onun təkcə uşaqlar üçün yox,
istənilən yaş kateqoriyasına aid insanlar üçün maraqlı olmasını
istəyirik. Bizim tamaşa ailəvi nümayiş üçün nəzərdə tutulub”.
Opera tamaşasının musiqi rəhbərliyini Azərbaycanın Xalq artisti
Yalçın Adıgözəlov öhdəsinə götürüb, tamaşanın bədii rəhbəri isə
Rusiyanın Xalq artisti Dmitri Bertmandır.
Operanın müəllifi Leonid Vaynşteyn Azərbaycan bəstəkarlıq
məktəbinin nümayəndəsi, görkəmli bəstəkar Qara Qarayevin
yetirməsidir. “Zoluşka” operasının dünya premyerası 1985-ci ildə
Bakıda, Azərbaycan Akademik Opera və Balet Teatrının səhnəsində baş
tutub. 35 il sonra “Helikon-Opera” səhnəsində bu sehrli çevrilmələr
qeyri-adi dekorasiyalar və unikal holoqrafik texnologiyalar
vasitəsilə canlandırılacaq.
<!—->
<!––>
Ş.Perronun əfsanəvi nağılı əsasında yazılmış operanın süjetində
xeyirxahlıq və gözəllik şər və paxıllığa qalib gəlir. Ənənəvi nağıl
qəhrəmanları – Zoluşka, Şahzadə, Ögey ana və qəzəbli bacılarla
yanaşı, tamaşaçılar dirilən əşyaları da görəcək: Süpürgə Xala, Ütü
Əmi, Cəsur Çaydan və s.
Nümayiş 19 aprel 14:00 və 19:00 baş tutacaq.
Qastrol səfərinin təşkilində göstərdiyi dəstəyə görə
uzunmüddətli tərəfdaşımız “Utair” hava yolları şirkətinə təşəkkür
edirik.
KİV akkreditasiyası üçün (Roman Mambetov):
[email protected]
+994557859662
