"Milan"ın futbolçusu Zlatan İbrahimoviçin ilkin müayinəsinin nəticələri açıqlanıb.

Gunaydin.az klubun saytına istinadən xəbər verir ki, onun vətərinin zədələnmədiyi bildirilib. Bununla da o, ciddi zədədən xilas olub. 39 yaşlı hücumçunun yalnız baldır əzələsində problem aşkarlanıb. Ancaq onun bərpa müddəti barədə məlumat verilməyib. 10 gün ərzində isveçli oyunçunun son durumunun müəyyənləşəcəyi vurğulanb.

"La Gazzetta dello Sport" nəşri yazıb ki, baldır əzələsinin zədəsinin dərəcəsindən asılı olaraq İbrahimoviç 10 gündən iki aya qədər yaşıl meydanlardan uzaq qala bilər.

Qeyd edək ki, İbrahimoviç məşq zamanı zədələnib. Futbol qaydalarına görə oyunçunun yaş həddini nəzərə alsaq bu travma onun karyerasının bitməsinə səbəb ola blər.

Baxış sayı: 871
Paylaş: